Հայաստանի և ԵՄ–ի միջև Ասոցացման համաձայնագիրը չի նախաստորագրվի. համատեղ հայտարարություն
29.11.2013,
15:15
Ասոցացման Համաձայնագրի, այդ թվում Խորը և համապարփակ ազատ առևտրի գոտու շուրջ ԵՄ–ի և Հայաստանի միջև բանակցությունները ավարտվել են, սակայն համաձայնագիրը չի նախաստորագրվի, քանի որ Հայաստանն ունի նոր միջազգային հանձնառություններ, նշվում է ուրբաթ Վինլյուսում ԵՄ–ի և ՀՀ–ի միջև ընդունված համատեղ հայտարարության մեջ։
ԵՐԵՎԱՆ, 29 նոյեմբերի. /ԱՌԿԱ/. Ասոցացման Համաձայնագրի, այդ թվում Խորը և համապարփակ ազատ առևտրի գոտու շուրջ ԵՄ–ի և Հայաստանի միջև բանակցությունները ավարտվել են, սակայն համաձայնագիրը չի նախաստորագրվի, քանի որ Հայաստանն ունի նոր միջազգային հանձնառություններ, նշվում է ուրբաթ Վինլյուսում ԵՄ–ի և ՀՀ–ի միջև ընդունված համատեղ հայտարարության մեջ։
«Կողմերը համաձայն են, որ անհրաժեշտ է արդիականացնել ԵՄ-Հայաստան Եվրոպական հարևանության քաղաքականության Գործողությունների ծրագիրը», – նշվում է հայտարարության մեջ, որը տեքստը տրամադրել է ՀՀ ԱԳՆ մամուլի ծառայությունը։
Փաստաթղթում նշվում է, որ Եվրոպական Միությունն ու Հայաստանը ունեն սերտ կապեր և վերահաստատում են իրենց հանձնառությունը` ավելի զարգացնել և ամրապնդել Արևելյան գործընկերության շրջանակներում փոխադարձ հետաքրքրություն ներկայացնող բոլոր ոլորտներում համապարփակ համագործակցությունը։
«Հենվելով ընդհանուր արժեքների վրա` երկու կողմերը հանձնառու են զարգացնել համագործակցությունը՝ ուղղված ժողովրդավարական հաստատությունների և դատական համակարգի շարունակական բարելավմանը, մարդու իրավունքների և օրենքի գերակայության խթանմանը, արդյունավետ կառավարմանը, կոռուպցիայի դեմ պայքարին, քաղաքացիական հասարակության ամրապնդմանը, առևտրի ու ներդրումների ընդլայնման համար միջավայրի հետագա կատարելագործմանը, շարժունակության գործընկերության շարունակական իրականացմանը և ոլորտային համագործակցության ընդլայնմանը», – նշվում է հայտարարության մեջ։–0–
«Կողմերը համաձայն են, որ անհրաժեշտ է արդիականացնել ԵՄ-Հայաստան Եվրոպական հարևանության քաղաքականության Գործողությունների ծրագիրը», – նշվում է հայտարարության մեջ, որը տեքստը տրամադրել է ՀՀ ԱԳՆ մամուլի ծառայությունը։
Փաստաթղթում նշվում է, որ Եվրոպական Միությունն ու Հայաստանը ունեն սերտ կապեր և վերահաստատում են իրենց հանձնառությունը` ավելի զարգացնել և ամրապնդել Արևելյան գործընկերության շրջանակներում փոխադարձ հետաքրքրություն ներկայացնող բոլոր ոլորտներում համապարփակ համագործակցությունը։
«Հենվելով ընդհանուր արժեքների վրա` երկու կողմերը հանձնառու են զարգացնել համագործակցությունը՝ ուղղված ժողովրդավարական հաստատությունների և դատական համակարգի շարունակական բարելավմանը, մարդու իրավունքների և օրենքի գերակայության խթանմանը, արդյունավետ կառավարմանը, կոռուպցիայի դեմ պայքարին, քաղաքացիական հասարակության ամրապնդմանը, առևտրի ու ներդրումների ընդլայնման համար միջավայրի հետագա կատարելագործմանը, շարժունակության գործընկերության շարունակական իրականացմանը և ոլորտային համագործակցության ընդլայնմանը», – նշվում է հայտարարության մեջ։–0–
