Վարչապետը ՔԱԳՎ–ի պետին ազատել է աշխատանքից ու կատարել մի շարք նշանակումներ
08.06.2018,
18:25
Նիկոլ Փաշինյանը հրամանագիր է ստորագրել ՀՀ քաղաքացիական ավիացիայի գլխավոր վարչության պետ Սերգեյ Ավետիսյանին պաշտոնից ազատելու մասին։
ԵՐԵՎԱՆ, 8 հունիսի./ԱՌԿԱ/. ՀՀ վարչապետ Նիկոլ Փաշինյանը հրամանագիր է ստորագրել ՀՀ քաղաքացիական ավիացիայի գլխավոր վարչության պետ Սերգեյ Ավետիսյանին պաշտոնից ազատելու մասին։
Հրամանագրում նշված է, որ որոշումն ընդունվել է Ավետիսյանի դիմումի համաձայն։
Վարչապետը հրամանագիր է ստորագրել նաև Տիգրան Արզումանյանին Էներգետիկ ենթակառուցվածքների և բնական պաշարների նախարարի տեղակալ, Համլետ Հայրապետյանին Կոտայքի մարզպետի տեղակալ նշանակելու մասին։
Բացի այդ, Արթուր Հովհաննիսյանը նշանակվել է արդարադատության նախարարի առաջին տեղակալ, իսկ Արտակ Ասատրյանը, Սուրեն Քրմոյանն ու Վիգեն Քոչարյանը` արդարադատության նախարարի տեղակալներ։–0–
