Ալթայում տեղի կունենա Փաշինյանի և ՌԴ վարչապետի հանդիպումը
24.07.2025,
14:30
Փաշինյանը կհանդիպի Միշուստինի հետ Ալթայ կատարած աշխատանքային այցի շրջանակում
ԵՐԵՎԱՆ, 24 հուլիսի․/ԱՌԿԱ/․ ՌԴ Ալթայի Հանրապետություն կատարած աշխատանքային այցի շրջանակում վարչապետ Փաշինյանը երկկողմ հանդիպում կունենա ՌԴ Կառավարության նախագահ Միխայիլ Միշուստինի հետ, հայտնում է Փաշինյանի մամուլի ծառայությունը։
Փաշինյանը տիկնոջ՝ Աննա Հակոբյանի հետ երկօրյա աշխատանքային այցով ժամանել է Ռուսաստանի Դաշնության Ալթայի Հանրապետություն:
Օդանավակայանում վարչապետ Փաշինյանին դիմավորել են Ալթայի Հանրապետության ղեկավար Անդրեյ Տուրչակը, Ալթայի Հանրապետության վարչապետ Ալեքսանդր Պրոկոպևը և Գորնի Ալթայի քաղաքապետ Օլգա Սաֆրոնովան։
Նիկոլ Փաշինյանն Ալթայի Հանրապետությունում կմասնակցի Բնության և շրջակա միջավայրի պաշտպանությանը նվիրված միջազգային համաժողովին։
