Ավստրիայի նախագահն առանձին հանդիպումներ կունենա Փաշինյանի և Ալիևի հետ
25.03.2019,
15:43
Ավսրիայի նախագահ Ալեքսանդեր Վան դե Բելենը ծրագրում է առանձին հանդիպումներ անցկացնել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ:
ԵՐԵՎԱՆ, 25 մարտի. /ԱՌԿԱ/. Ավսրիայի նախագահ Ալեքսանդեր Վան դե Բելենը ծրագրում է առանձին հանդիպումներ անցկացնել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ Վիեննայում մարտի 29–ին, հայտնում է ավստրիացի առաջնորդի մամուլի ծառայությունը։
Ինչպես հայտնում է ՏԱՍՍ–ը, սկզբում նա Հոֆբուրգի իր նստավայրում կընդունի Հայաստանի վարչապետին։
Մարտի 9–ին ԵԱՀԿ–ից հայտնել էին, որ ԵԱՀԿ Մինսկի խմբի համանախագահներն աշխատում են Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպման նապախատրաստման շուրջ։ -0-
