GALLUP-ի հարցման մասնակիցների ավելի քան կեսը կարծում է, որ Հայաստանը շարժվում է սխալ ուղղությամբ
Այսօր,
10:22
Դեկտեմբերի 24-27-ը Հայաստանում անցկացված հեռախոսային հարցմանը մասնակցել է 1000 մարդ
ԵՐԵՎԱՆ, 30 դեկտեմբերի․/ԱՌԿԱ/․ GALLUP-ի սոցհարցման մասնակիցների ավելի քան 56%-ը կարծում է, որ Հայաստանը շարժվում է սխալ ուղղությամբ։ Այս մասին երկուշաբթի կայացած մամուլի ասուլիսի ժամանակ հայտարարել է «GALLUP International Association»-ի հայաստանյան ներկայացուցչության տնօրեն Արամ Նավասարդյանը։
«Այսպես, հարցվածների 34,2%-ը նշել է, որ երկիրը շարժվում է սխալ ուղղությամբ, 22,1%-ը՝ «ավելի շուտ» սխալ ուղղությամբ։ Միևնույն ժամանակ, 22,5%-ը կարծում է, որ երկիրը շարժվում է «ավելի շուտ ճիշտ ուղղությամբ», իսկ 13,6%-ը՝ «լիովին ճիշտ ուղղությամբ»»,- նշել է Նավասարդյանը։
Դեկտեմբերի 24-27-ը Հայաստանում անցկացված հեռախոսային հարցմանը մասնակցել է 1000 մարդ։
