ՀԱՊԿ-ն ՀՀ-ի և Ադրբեջանի միջև հարաբերությունների կարգավորմանն աջակցող հռչակագիր է ընդունել
ԵՐԵՎԱՆ, 27 նոյեմբեր․/ԱՌԿԱ/. Բիշքեկում կայացած ՀԱՊԿ գագաթնաժողովում ընդունվել է եզրափակիչ հռչակագիր, որում ՀԱՊԿ-ն աջակցություն է հայտնել Հայաստանի և Ադրբեջանի միջև հարաբերությունների կարգավորմանը և խաղաղության համաձայնագրի կնքմանը։
«Մենք գոհունակությամբ ենք արձանագրում Հայաստանի Հանրապետության և Ադրբեջանի Հանրապետության միջև ակտիվ միջպետական երկխոսությունը։ Մենք աջակցում ենք համապարփակ կարգավորմանը և կողմերի միջև անվերապահ խաղաղության համաձայնագրի շուտափույթ կնքմանը», - ասվում է ՀԱՊԿ գագաթնաժողովում ընդունված եզրափակիչ հռչակագրում։
ՀՀ արտաքին գործերի փոխնախարար Մնացական Սաֆարյանը նոյեմբերի 26-ին հայտարարել է, որ Հայաստանի դուրս գալը ՀԱՊԿ-ից չի քննարկվում։ Նույն օրը Ազգային ժողովի նախագահ Ալեն Սիմոնյանը հայտարարել է, որ Հայաստանն արդեն փաստացի դուրս է եկել ՀԱՊԿ-ից։
Հայաստանը չի մասնակցել Բիշքեկում կայացած գագաթնաժողովին։
Սակայն գագաթնաժողովից առաջ ՌԴ նախագահի օգնական Յուրի Ուշակովը հայտարարել է, որ «հայ ներկայացուցիչները հայտարարել են, որ դեմ չեն հանդիպման ժամանակ համաձայնեցված փաստաթղթերի ընդունմանը»։
Գագաթնաժողովից հետո ՀԱՊԿ գլխավոր քարտուղար Իմանգալի Տասմագամբետովը հայտնել է, որ ՀԱՊԿ քարտուղարությունը տեղեկացնում է Հայաստանին կայացվող որոշումների մասին։
«Երևանը չի մասնակցում քննարկումներին, բայց չի խոչընդոտում սահմանափակ ձևաչափով անցկացվող այս փաստաթղթերի ընդունմանը»,-ասել է Տասմագամբետովը։
