Հայաստանի նախագահը ցավակցություն է հայտնել Օբամային՝ կապված «Սենդի» փոթորկի հետևանքների հետ
01.11.2012,
17:42
Հայաստանի նախագահ Սերժ Սարգսյանը ցավակցական հեռագիր է հղել Ամերիկայի Միացյալ Նահանգների նախագահ Բարաք Օբամային՝ երկրին պատուհասած բնական աղետի՝ «Սենդի» ավերիչ փոթորկի կապակցությամբ, հաղորդում է պետության ղեկավարի մամուլի ծառայությունը:
ԵՐԵՎԱՆ, 1 նոյեմբերի. /ԱՌԿԱ/. Հայաստանի նախագահ Սերժ Սարգսյանը ցավակցական հեռագիր է հղել Ամերիկայի Միացյալ Նահանգների նախագահ Բարաք Օբամային՝ երկրին պատուհասած բնական աղետի՝ «Սենդի» ավերիչ փոթորկի կապակցությամբ, հաղորդում է պետության ղեկավարի մամուլի ծառայությունը:
«Խորապես ցնցված ենք ամերիկյան մայրցամաքը պատուհասած Սենդի ավերիչ փոթորկի հետևանքներից, որը խլեց տասնյակ անմեղ կյանքեր ու պատճառեց ահռելի նյութական վնասներ»,- ասվում է հեռագրում:
Սարգսյանը նշել է, որ կիսում է ԱՄՆ նախագահի և ողջ ամերիկացի ժողովրդի վիշտն ու ցավը՝ բոլոր զոհվածների հարազատներին մաղթելով ոգու արիություն, իսկ տուժած շրջաններին՝ շուտափույթ վերականգնում»: -0-
