ՀՀԿ պատգամավորը մեկնաբանել է Հայաստանի նախագահի պաշտոնի երկու թեկնածությունները

ԵՐԵՎԱՆ, 17 հունվարի. /ԱՌԿԱ/. Հայաստանի նախկին վարչապետ Հովիկ Աբրահամյանին, ինչպես նաև Մեծ Բրիտանիայում և Իռլանդիայում Հայաստանի դեսպան Արմեն Սարգսյանին երկրի նախագահի պաշտոնում նշանակման հավանականությունը չորեքշաբթի մեկնաբանել է ՀՀԿ խմբակցության անդամ Վահրամ Բաղդասարյանը։

«Եթե ձեզ հետաքրքրում է հենց Արմեն Սարգսյանի թեկնածությունը, ապա ասեմ, որ այո, նա նույնպես կարող է լինել նրանց շարքում, ում կուսակցությունը կարող է առաջադրել երկրի նախագահի պաշտոնում։ Ամենակարևորը, որ Սարգսյանն ամբողջովին համապատասխանում է Հայաստանի չորրորդ նախագահ դառնալու բոլոր չափանիշներին»,– ասաց Բաղդասարյանը։

Իսկ Հովիկ Աբրահամյանի թեկնածության վերաբերյալ ՀՀԿ պատգամավորն ասաց, որ նա հնարավոր թեկնածուների թվում չկա, ու ինքը` Աբրահամյանն էլ չի ցանկանում զբաղեցնել այդ պաշտոնը։ «Աբրահամյանը շարունակում է մեր ընկերը մնալ, սակայն այս պահին նա զբաղված է իր գործերով և քաղաքականությունում պասիվ է»,– հայտնեց Բաղդասարյանը։

Ավելի վաղ Բաղդասարյանը լրագրողներին ասել էր, որ Հայաստանի նախագահի ընտրությունները, ամենայն հավանականությամբ, կկայանան մարտի 2–ին։ -0-