Նոր Նորք վարչական շրջանը նոր ղեկավար ունի
19.02.2020,
12:16
Նոր Նորք վարչական շրջանը նոր ղեկավար ունի
ԵՐԵՎԱՆ, 19 փետրվարի./ԱՌԿԱ/. Երևանի քաղաքապետարանում շարունակվում են կադրային փոփոխությունները:
«Քաղաքապետ Հայկ Մարությանի որոշմամբ Նոր Նորք վարչական շրջանի ղեկավարի պաշտոնը կզբաղեցնի Հովհաննես Մանուկյանը։ Նա մինչ այժմ զբաղեցնում էր Նորք Մարաշի ղեկավարի պաշտոնը»,- հայտնել է Երևանի քաղաքապետարանի Տեղեկատվության վարչության պետ Հովսեփ Կուբատյանն իր Facebook-յան էջում:
Կուբատյանի տեղեկացմամբ, Նորք Մարաշում վարչական շրջանի ղեկավարի ժամանակավոր պաշտոնակատարի պարտականությունները կկատարի ղեկավարի տեղակալ Հայկ Հովհաննիսյանը:
Հիշեցնենք, որ փետրվարի 17-ին Աջափնյակի թաղապետ Գևորգ Բաբայանը հրաժարական էր ներկայացրել: Իսկ նախօրեին Աջափնյակ նոր թաղապետ նշանակվեց Նուբարաշեն վարչական շրջանի նախկին ղեկավար Թելման Թադևոսյանը: -0-
