Պուտինը ցանկանում է ամնիստիա տրամադրել Ռուսաստան վերադարձած կապիտալին

ԵՐԵՎԱՆ, 4 դեկտեմբերի. /ԱՌԿԱ/. ՌԴ նախագահ Վլադիմիր Պուտինն առաջարկել է ամնիստիա տրամադրել երկիր վերադարձած կապիտալին։ ՌԴ նախագահը համապատասխան հայտարարությամբ հանդես է եկել հինգշաբթի ՌԴ դաշնային ժողովին հասցեագրված ուղերձի ժամանակ, հաղորդում է Банки-ру–ն։ «Առաջարկում եմ իրականացնել Ռուսաստան վերադարձող կապիտալի ամբողջական ամնիստիա», – ասել է Պուտինը։ «Դա նշանակում է, որ եթե մարդն օրինականացնի իր միջոցները կամ ունեցվածքը Ռուսաստանում, ապա կստանա հստակ երաշխիքներ այն հարցում, որ իրեն քարշ չեն տա իրավապահ մարմիններով, նա չի բախվի քրեական և վարչարարական հետապնդման հետ և հարկային ծառայություններն անընդհատ չեն անհանգստացնի։ Եկեք դա անենք հիմա, սակայն մեկ անգամ։ Բոլոր ցանկացողները պետք է օգտվեն դրանից»։ ՌԴ նախագահը նշել է, որ փողերի ծագումն ու վաստակելու միջոցները կարող են տարբեր լինել, սակայն Պուտինի կարծիքով` «հարկավոր է թերթել Ռուսաստանի տնտեսության պատմության օֆշորային էջը»։ «Դա շատ կարևոր է», – ընդգծել է ՌԴ նախագահը։- «Լավագույն երաշխիքը ազգային ենթադատությունն է` անգամ դրա բոլոր խնդիրների դեպքում»։–0–

Ծանոթացեք լուրերին առաջինն ու քննարկեք դրանք մեր Telegram-ում

15:30 04.12.2014