Սերգեյ Լավրովը կայցելի Հայաստան ՀԱՊԿ ԱԳՆԽ նիստին մասնակցելու համար
ԵՐԵՎԱՆ, 6 հոկտեմբերի. /ԱՌԿԱ/. Ռուսաստանի արտաքին գործերի նախարար Սերգեյ Լավրովը հոկտեմբերի 14–ին Երևանում կմասնակցի ՀԱՊԿ ԱԳՆ ղեկավարների խորհրդի նիստին։ Այդ մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Նիստի աշխատանքին կմասնակցի Լավրովը,– ասել է նա, հայտնում է ՏԱՍՍ–ը։ – Կդիտարկվեն հավաքական անվտանգության համակարգի հետագա կատարելագործման, միջազգային ահաբեկչության դիմակայության արդիական գործոնները, ռազմական գործակցության զարգացումը և մի շարք փաստաթղթեր, որոնք դրվելու են Կազմակերպության անդամ երկրների ղեկավարների հաստատմանը»։
«Մասնակիցները կքննարկեն ՀԱՊԿ գործունեության որոշ կազմակերպչական և վարչաֆինանսական հարցեր»,– ասել է Զախարովան։
ՀԱՊԿ կազմում են` Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը։ -0-
