Անվստահելի գովազդ․Անձնական տվյալների պաշտպանության գործակալությունը զգուշացնում է սոցցանցերում կրիպտոներդրումների անվստահելի գովազդի մասին (ՖՈՏՈ)
27.02.2025,
11:02
Տարածվող հայտարարությունը գովազդ է միացրել անվստահելի ֆեյսբուքյան էջ, որը կառավարվում է արտերկրից․ ՖՈՏՈ
ԵՐԵՎԱՆ, 27 փետրվարի․/ԱՌԿԱ/․ Սոցիալական ցանցերում ակտիվորեն տարածվում է կրիպտո ներդրմամբ գումար վաստակելու վերաբերյալ գովազդ։
Անձնական տվյալների պաշտպանության գործակալությունը զգուշացնում է, որ տարածվող հայտարարությունը գովազդ է միացրել անվստահելի ֆեյսբուքյան էջ, որը կառավարվում է արտերկրից։
«Կայքը, որը գովազդում են, պահանջելով լրացնել անձնական տվյալներ, նույնպես անվստահելի է։ Նմանատիպ հայտարարություններով տվյալներ փոխանցելիս հորդորում ենք դրսևորել զգուշավորություն, անծանոթ ու անվստահելի հասցեներում չլրացնել բանկային ու անձնական տվյալներ», – նշվում է հաղորդագրության մեջ։
