Ձմեռը մոտենում է. Հայաստանում տեղում է առաջին ձյունը (ՎԻԴԵՈ)

ԵՐԵՎԱՆ, 11 նոյեմբերի./ԱՌԿԱ/. Ժամը 12:22-ի դրությամբ ՀՀ տարածքում ավտոճանապարհներն անցանելի են, հաղորդում է ՀՀ ԱԻՆ-ը:

Սարավան-«Զանգեր» հատվածում, Վայոց ձորի մարզի Ջերմուկ, Գեղարքունիքի մարզի Սևան, Գավառ, Մարտունի, Ճամբարակ քաղաքներում և Վարդենյաց լեռնանցքում տեղում է ձյուն։

ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը Facebook-յան իր էջում հրապարակել է կադրեր Գավառից:

«Հանրապետության լեռնային առանձին շրջաններում տեղաց առաջին ձյունը։ Գավառ», - գրել է նա՝ հրապարակելով տեսանյութը:-0-