Ձյան առատ տեղումներ, բուք․ Հայաստանին հզոր ցիկլոն է մոտենում

ԵՐԵՎԱՆ, 18 մարտի․/ԱՌԿԱ/․ ՀՀ ՇՄՆ Հիդրոօդերևութաբանության և մոնիթորինգի կենտրոնը հայտնում է, որ Հայաստանին հարավից հզոր ցիկլոն է մոտենում։

«Հարավից հզոր ցիկլոնի ներթափանցմամբ պայմանավորված՝ մարտի 19-ին և 19-ի լույս 20-ի գիշերը Շիրակում, Լոռիում, Տավուշի նախալեռներում, Արագածոտնի, Կոտայքի, Վայոց Ձորի լեռներում, Գեղարքունիքում, Սյունիքի լեռնային և նախալեռնային գոտիներում սպասվում են ձյան առատ տեղումներ, առանձին հատվածներում՝ բուք, ցածր հորիզոնական տեսանելիություն», – նշվում է հաղորդագրության մեջ։–0–