Երկարաձգվել է Հայաստանի և Չինաստանի միջև առանց վիզային ռեժիմի չեղարկումը

ԵՐԵՎԱՆ, 27 մարտի./ԱՌԿԱ/. Հայաստանի և Չինաստանի միջև սովորական անձնագրեր կրող անձանց համար մուտքի արտոնագրի պահանջի վերացման մասին համաձայնագրի ժամանակավոր կասեցումը երկարաձգվել է մինչև մայիսի 31-ը, նշվում է ՀՀ ԱԳՆ–ի կայքում։

Գերատեսչությունից նշեցին, որ մարտի 28-ի  ժամը 00.00-ից Չինաստանն ժամանակավորապես (ժամկետ նշված չէ) դադարեցնում է օտարերկրյա քաղաքացիների՝ այդ թվում նաև գործող վիզա և կացության կարգավիճակ ունեցող քաղաքացիների մուտքը երկիր։ Այս մասին առավել մանրամասն տեղեկատվություն ստանալու համար կարելի է անցնել հետևյալ հղմամբ։ 

Հունվարի 31–ին, հաշվի առնելով կորոնավիրուսով պայմանավորված համաճարակաբանական իրավիակը, ՀՀ կառավարությունը փետրվարի 1–ից մինչև մարտի 31–ը ժամանակավորապես դադարեցրել էր Չինաստանի հետ առանց վիզայի ռեժիմը (սովորական անձնագրեր ունեցողների համար առանց վիզայի ռեժիմն ուժի մեջ էր մտնել այս տարվա հունվարի 19–ին, խմբգր.)։

Հիմա Չինաստանում կորոնավիրուսի հետ կապված իրավիճակը կայունացել է, հանվել է կարանտինը, երկրի ներսում ինֆեկցիայի նոր դեպքեր չեն գրանցվում։ 

Հայաստանում մարտի 27–ի ժամը 10։00–ի դրությամբ գրանցվել է կորոնավիրուսով վարակման 329 դեպք։ Բուժվել է 28 մարդ։ Արձանագրվել է մահվան 1 դեպք:–0–