Flyone Armenia–ն Երևան–Սանկտ Պետերբուրգ–Երևան ուղիղ չվերթեր կիրականացվի
28.06.2022,
16:37
Թռիչքները կիրականացվեն շաբաթական չորս չվերթ հաճախականությամբ՝ երկուշաբթի, չորեքշաբթի, ուրբաթ և շաբաթ օրերին
ԵՐԵՎԱՆ, 28 հունիսի./ԱՌԿԱ/. «FLYONE ARMENIA» hայկական առաջին ազգային ավիաընկերությունը հուլիսի 1-ից ավելացնում է դեպի Ռուսաստանի Դաշնություն չվերթերի քանակը և սկսում է կանոնավոր ուղիղ չվերթեր իրականացնել Երևան-Սանկտ Պետերբուրգ-Երևան երթուղով, հաղորդում է ընկերության մամուլի ծառայությունը։
«Երևան-Սանկտ Պետերբուրգ-Երևան երթուղով չվերթերը կիրականացվեն «Զվարթնոց» միջազգային օդանավակայանից դեպի «Պուլկովո» միջազգային օդանավակայան` հարմար չվացուցակով և յուրաքանչյուրի համար մատչելի գնով», – նշվում է ընկերության հայտարարության մեջ։
Թռիչքները կիրականացվեն շաբաթական չորս չվերթ հաճախականությամբ՝ երկուշաբթի, չորեքշաբթի, ուրբաթ և շաբաթ օրերին:–0–
