ՀՀ–ում գործող կաթնամթերքի արտադրամասերից մեկում հայտնաբերվել է վտանգավոր սննդամթերքի թողարկում
07.07.2020,
16:07
ՍԱՏՄ-ն կասեցրել է ընկերության թթվասեր և կաթնաշոռ արտադրատեսակների արտադրությունը
ԵՐԵՎԱՆ, 7 հուլիսի./ԱՌԿԱ/. ՀՀ սննդամթերքի անվտանգության տեսչական մարմնի կողմից «Չանախ» ՍՊԸ-ին պատկանող կաթնամթերքի արտադրամասում իրականացված վերահսկողության ընթացքում հայտնաբերվել է վտանգավոր սննդամթերքի թողարկում:
Ինչպես հաղորդում է Սննդամթերքի անվտանգության տեսչական մարմինը, լաբորատոր փորձաքննությամբ պարզվել է, որ «Չանախ»-ի կաթնաշոռ և թթվասեր արտադրատեսակները ԱՑԽՄ ցուցանիշով չեն համապատասխանում Մաքսային միության տեխնիկական կանոնակարգերով սահմանված պահանջներին (ՄՄ ՏԿ 033/2013):
ՍԱՏՄ-ն կասեցրել է այս ընկերության թթվասեր և կաթնաշոռ արտադրատեսակների արտադրությունը, տրվել է ժամկետ հայտնաբերված խախտումները վերացնելու համար:–0–