Հայաստանում կառուցապատողներն ամենաշատ խախտումները թույլ են տալիս դպրոցների կառուցման ժամանակ․ Քաղաքաշինության կոմիտեի նախագահ
14.01.2025,
10:55
Խախտումների պատճառով կասեցվել է 12 լիցենզիա, մի շարք կազմակերպություններ տուգանվել են
ԵՐԵՎԱՆ, 14 հունվարի․/ԱՌԿԱ/․ Հայաստանում կառուցապատողներն ամենաշատ խախտումները թույլ են տալիս դպրոցների կառուցման ժամանակ, երկուշաբթի ասաց ՀՀ քաղաքաշինության կոմիտեի նախագահ Եղիազար Վարդանյանը։
«Խախտումների պատճառով կասեցվել է 12 լիցենզիա, մի շարք կազմակերպություններ տուգանվել են։ Որոշ կառուցապատողներ ներառվել են, այսպես կոչված, «սև ցուցակում»», – ասաց Վարդանյանը մամուլի ասուլիսի ժամանակ՝ ամփոփելով 2024 թվականի արդյունքները։
Նա նշեց, որ խախտումներ թույլ տված շինարարներն իրենց միջոցներով ապամոնտաժել են խախտումներով կառուցված շինությունները։
