Մայիսի 18–ից Վրաստանում գտնվող ՀՀ քաղաքացիները կարող են Սադախլոյի անցակետով գալ Հայաստան
18.05.2020,
13:57
Այսօրվանից՝ մայիսի 18-ից, չեղարկվել է Մառնեուլիի շրջանում արդեն երկու ամիս գործող խիստ կարանտինային ռեժիմը և հանվել է մուտքի ու ելքի արգելքը
ԵՐԵՎԱՆ, 18 մայիսի./ԱՌԿԱ/. Այսօրվանից՝ մայիսի 18-ից, չեղարկվել է Մառնեուլիի շրջանում արդեն երկու ամիս գործող խիստ կարանտինային ռեժիմը և հանվել է մուտքի ու ելքի արգելքը, հայտնում է Վրաստանում ՀՀ դեսպանատունը։
«Վրաստանում գտնվող և Հայաստան մեկնել ցանկացող ՀՀ քաղաքացիներն այսուհետև կարող են անխոչընդոտ մեկնել Հայաստան՝ Սադախլոյի անցակետով, 10։00-18։00 ընկած ժամանակահատվածում», – նշվում է հաղորդագրության մեջ։
Դեսպանատնից միաժամանակ տեղեկացնում են, որ դեռևս արգելված է Վրաստանի տարածք օտարերկրացիների (այդ թվում՝ ՀՀ քաղաքացիների) մուտքը, և սույն որոշման մեջ ցանկացած փոփոխության դեպքում դեսպանությունը հանդես կգա համապատասխան հայտարարությամբ։–0–