Երևանի փողոցներից մեկի խաչմերուկում երթևեկի փոփոխություն է նախատեսված (ՍԽԵՄԱ)
22.11.2019,
15:49
Երևանի փողոցներից մեկի խաչմերուկում երթևեկի փոփոխություն է նախատեսված։
ԵՐԵՎԱՆ, 22 նոյեմբերի./ԱՌԿԱ/. Տրանսպորտային միջոցների երթևեկության բարելավման նպատակով Երևան քաղաքի Արցախի պողոտայի և Այվազովսկու փողոցի խաչմերուկում 2019թ. նոյեմբերի 23-ին կկատարվի երթևեկության կազմակերպման փոփոխություն:
Այս մասին նշվում է ՀՀ ոստիկանության տարածած հաղորդագրության մեջ։
Փոփոխության արդյունքում Այվազովսկու փողոցի երթևեկելի 1-ին գոտիով դեպի նշված խաչմերուկ երթևեկող տրանսպորտային միջոցներին խաչմերուկում կթույլատրվի երթևեկել դեպի աջ կամ դեպի ձախ, նախկինում միայն դեպի աջի փոխարեն:–0–
