Երևանում «Մանկական Եվրատեսիլի» կազմակերպման ընդհանուր արժեքը գնահատվում է մոտ 5մլրդ դրամ

ԵՐԵՎԱՆ, 3 նոյեմբերի./ԱՌԿԱ/. Երևանում «Մանկական Եվրատեսիլ» մրցույթի կազմակերպման ընդհանուր արժեքը գնահատվում է մոտ 5մլրդ դրամ։ Այս մասին նշվում է կառավարության կայքում։

Այսօր կառավարության նիստի ժամանակ որոշում է կայացվել պահուստային ֆոնդից հատկացնել մոտ 2մլրդ 698,6մլն դրամ մրցույթի կազմակերպման համար։

Այս տարվա հոկտեմբերին գործադիր մարմինը հաստատել էր ավելի քան 2մլրդ 299,6մլն դրամի հատկացումը տեխնիկայի վարձակալության նպատակով` LED էկրաններ, լուսավորող սարքեր, գեներատորներ, կառավարման համակարգեր և այլն։

«Մանկական Եվրատեսիլ» երգի 20–րդ միջազգային մրցույթն այս տարի կանցկացվի դեկտեմբերի 11–ին Երևանի Մարզահամերգային համալիրում։ Մրցույթն այս տարի կանցնի «Spin the Magic» նշանաբանի ներքո։ Հայաստանը մրցույթին կներկայացնի 14–ամյա Նարեն։–0–

Ծանոթացեք լուրերին առաջինն ու քննարկեք դրանք մեր Telegram-ում

13:57 03.11.2022