Ստորագրել եմ ևս 100 նոր ավտոբուսի և 100 վերելակի գնման հայտերը, շնորհակալ եմ ջերմ խոսքերի համար. Մարության
16.12.2021,
13:37
Մարությանը հայտնել է, որ հաջորդ տարի կունենանք արդեն ընդհանուր 1000 հատ փոխարինված վերելակ, իսկ քաղաքային տրանսպորտի պարկը թարմացրած կլինենք ավելի քան 60 %-ով
ԵՐԵՎԱՆ, 16 դեկտեմբերի./ԱՌԿԱ/. Երևանի քաղաքապետ Հայկ Մարությանը Facebook–յան իր էջում հայտարարություն է տարածել` նշելով, որ ստորագրել է ևս 100 նոր ավտոբուսի և 100 վերելակի գնման հայտեր։
«Սիրելի երևանցիներ, սիրելի հայրենակիցներ, շնորհակալ եմ ձեր արձագանքի և ջերմ խոսքերի համար։ Ես էլ ձեր տրամադրությունը բարձրացնեմ։ Ստորագրել եմ ևս 100 նոր ավտոբուսի և 100 վերելակի գնման հայտերը։ Հաջորդ տարի կունենանք արդեն ընդհանուր 1000 հատ փոխարինված վերելակ, իսկ քաղաքային տրանսպորտի պարկը թարմացրած կլինենք ավելի քան 60 %-ով՝ ունենալով արդեն շուրջ 520 նոր ավտոբուս», – նշել է Մարությանը։
Հիշեցնենք, որ Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել։–0–
