Ֆրանսիայի նախագահ Էմանուել Մակրոնը ծաղկեպսակ է դրել Հայոց ցեղասպանության զոհերի հուշահամալիրում
11.10.2018,
11:26
Մակրոնը ծաղկեպսակ է դրել, անմար կրակի մոտ հարգանքի տուրք է մատուցել Ցեղասպանության զոհերի հիշատակին և եղևնի է տնկել Ծիծեռնակաբերդի հիշատակի ծառուղում։
ԵՐԵՎԱՆ, 11 հոկտեմբերի./ԱՌԿԱ/. Ֆրանսիայի նախագահ Էմանուել Մակրոնը ծաղկեպսակ է դրել Հայոց ցեղասպանության զոհերի հուշահամալիրում։
Էմանուել Մակրոնը ժամանել է Հայաստան ՖՄԿ 17–րդ գագաթնաժողովի շրջանակում անցկացվող Ֆրանկոֆոնիայի երկրների ղեկավարների գագաթնաժողովին մասնակցելու նպատակով։
Մակրոնը ծաղկեպսակ է դրել, անմար կրակի մոտ հարգանքի տուրք է մատուցել Ցեղասպանության զոհերի հիշատակին և եղևնի է տնկել Ծիծեռնակաբերդի հիշատակի ծառուղում։
Ֆրանսիայի նախագահն այցելել է նաև Հայոց ցեղասպանության թանգարան–ինստիտուտ, որտեղ ծանոթացել է ցուցանմուշներին ու գրառում կատարել Սգո մատյանում։ Մակրոնին ուղեկցել են ՀՀ ԱԳ Նախարար Զոհրաբ Մնացականյանը, Երևանի քաղաքապետի տեղակալ Կամո Արեյանն ու ԿԳ Նախարար Արայիկ Հարությունյանը։–0–
