Հայաստանում Շոկոլադի փառատոն կանցկացվի
ԵՐԵՎԱՆ, 27 հունիսի. /ԱՌԿԱ/. Հուլիսին Հայաստանում առաջին անգամ կանցկացվի Շոկոլադի փառատոն։
Հուլիսի 11–ին նշվում է Շոկոլադի համաշխարհային օրը, ինչի կապակցությամբ The LOFT երևանյան ակումբը կազմակերպում է Choco Fest շոկոլադի փառատոն–էքսպոն, որը նախատեսվում է դարձնել ամենամյա։
Ինչպես նշվում է միջոցառման Facebook–յան պաշտոնական էջում, փառատոնին կարող են մասնակցել շոկոլադի հայ արտադրողներն ու արտահանողները։
Մասնակցության հայտերն ընդունվում են մինչև հունիսի 28–ը։
Շոկոլադի օրը հիմնադրվել և առաջին անգամ նշվել է ֆրանսիացիների կողմից 1995 թ.–ին։
Այդ օրը աշխարհի տարբեր երկրներում կազմակերպվում են փառատոններ և այլ միջոցառումներ, որոնք նվիրված են այս քաղցր տոնին։ Կազմակերպվում են հետաքրքրիր էքսկուրսիաներ շոկոլադի ֆաբրիկաներ, գործարաններ։ –0–
