Հայաստանում «խոզի գրիպը» վեց մարդու կյանք է խլել
11.01.2016,
12:22
Երկրում «խոզի գրիպից» վեց մարդ է մահացել։
ԵՐԵՎԱՆ, 11 հունվարի. /ԱՌԿԱ/. Հայաստանում «խոզի գրիպի» հետևանքով առաջացած բարդացումների պատճառով մահվան ելքերի թիվը հասել է վեցի, հայտնում է «Նովոստի–Արմենիա» գործակալությունը` հղում անելով ՀՀ առողջապահության նախարարության պաշտոնական ներկայացուցիչ Անահիտ Հայթայանին։
«Երեք հիվանդ մահացել է նախորդ տարվա դեկտեմբերին, երեքը` այս տարի», – նշել է Հայթայանը։
Հունվարի 9–ի վերջին տվյալներով` հանրապետությունում գրանցվել է սուր շնչառական վարակներով հոսպիտալացման 662 դեպք, որից 219-ը` թոքաբորբ: Հանրապետության վերակենդանացման բաժանմունքներում բուժում է ստանում 83 հիվանդ, որից 7-ը միացված է արհեստական շնչառական սարքին:
Այս պահին Առողջապահության նախարարությունում անցկացվում է խորհրդակցություն, որի արդյունքում կներկայացվեն նոր տվյալներ։ –0–
