Հայաստանում պարտադիր բժշկական ապահովագրության փորձնական ծրագիրը կգործարկվի 2017 թ.–ի սեպտեմբերից
ԵՐԵՎԱՆ, 27 հուլիսի./ԱՌԿԱ/. Հայաստանում պարտադիր բժշկական ապահովագրության փորձնական ծրագիրը կգործարկվի 2017 թ.–ի սեպտեմբերից։
Համապատասխան օրինագիծը ՀՀ կառավարությունն հաստատեց հինգշաբթի կայացած հերթական նիստի ընթացքում։
ՀՀ առողջապահության նախարար Լևոն Ալթունյանի խոսքով, պիլոտային ծրագրից կարող են օգտվել սոցփաթեթների շահառուները։
«Շահառուների թիվը ներկա փուլում կազմում է 80-100 հազար մարդ։ Վեց ամսվա ընթացքում մենք կհետևենք այս ծրագրի հաջողություններին, ինչից հետո դրանում կներգրավվի 612 հազար սոցիալապես անապահով քաղաքացի, և դիտարկումից ու դրական արդյունքներից 1 տարի անց միայն կներդրվի պարտադիր բժշկական ապահովագրության մասին օրենքը»,– ասաց Ալթունյանը։
Հայաստանում գործող սոցփաթեթի ծրագիրը տրանադրվում է պետական ծառայողներին, մասնավորապես, հանգստի կազմակերպման սեգմենտին։ Սոցփաթեթներին պետբյուջեով (բացի բժշկական ծառայություններից) նախատեսված է մոտ 10 մլրդ դրամ, համակարգի շահառու է շուրջ 100 հազար պետծառայող։
132 հազար դրամի սոցփաթեթը տարեկան տրամադրվում է պետծառայողներին և նախատեսում է մի քանի պարտադիր բաղադրիչ` առողջապահական ծախսերի վճար, հիփոթեքային տոկոսների մարում, բուհերում ուսուցման վճար և հանգստի կազմակերպում հայկական առողջարաններում։
Ալթունյանն հավելեց նաև, որ Առողջապահության և Սոցապ նախարարություններից կհատկացվի 14 մլրդ դրամ`612 հազար սոցիալապես անապահով քաղաքացիների աահովագրության համար։ Ընդ որում` մեկ փաթեթի հաշվարկով տարեկան մեկ մարդու ապահովագրության բաղադրիչը կկազմի 25-28 հազար դրամ։
Նախարարը նշեց, որ կփոխվի նաև շահառուներին սպասարկելու համար բուժհաստատություններին վճարելու համակարգը։ Մասնավորապես, այսօր նրանց ծառայություն մատուցելու համար նախատեսված միջոցները բաշխվում են բժշկական հաստատությունների միջև տարեսկզբին, հիմա դրանք կտրամատրվեն պոստֆակտում։
«Փորձը ցույց է տալիս, որ որոշ բժշկական հաստատություններ մեծ պահանջարկ չեն վայելում շահառուների շրջանում, այն դեպքում, երբ մյուս կլինիկաները սպառում են իրենց համար նախատեսված լիմիտը դեռ տարեսզբին։ Հիմա մենք համակարգի մասնակիցներին հնարավորություն ենք տալիս դիմել այն բժշկական հաստատություն, որն ուզում են, իսկ վճարումը կկատարվի ծառայության մատուցումից հետո»,–ասաց Ալթունյանը։
Նա նաև նշեց, որ դա թույլ կտա խուսափել բժշկական ծառայությունների տրամադրման ուշացումներից, վիրահատության կամ բուժման համար նախապես գրանցման անհրաժեշտությունից։ Համաձայն նոր փոփոխությունների` շահառուները կարող են դիմել բժշկական հաստատություն առանց լրացուցիչ տեղեկանքների և միայն անձնագրի առկայության պարագայում։ Շահառուները կարող են նաև ինքնուրույն ընտրել բժշկական հաստատությունը, որում ուզում են բուժում անցնել։
Ավելի վաղ Ալթունյանն հայտարարել էր, որ բժշկական ծառայությունների ներկա գներին համապատասխան`այն քաղաքացիները, որոնք չեն օգտվում սոցփաթեթներից, պարտադիր բժշկական ապահովագրության դեպքում ամսական կվճարեն 5-6 հազար դրամ։-0-
