Նոր տեսախցիկներ կգործարկվեն Երևանի մի շարք խաչմերուկներում
ԵՐԵՎԱՆ, 1 հուլիսի. /ԱՌԿԱ/. Շարունակվում է Հայաստանի ավտոճանապարհներին երթևեկության վերահսկողության և իրավախախտումների արձանագրման արագաչափ սարքերի և տեսախցիկների տեղադրման աշխատանքները, տեղեկացնում է Ճանապարհային ոստիկանության մամուլի ծառայությունը:
Մասնավորապես, 2016 թ.-ի հուլիսի 6-ից գործարկվելու են տեսախցիկներ Երևանի մի շարք խաչմերուկներում:
Այդպիսով, տեսախցիկներ կտեղադրվեն Աբովյան-Արամի փողոցների խաչմերուկում, Հանրապետության Հրապարակ-Ամիրյան փողոց խաչմերուկում, Էրեբունի-Դաշտենց-Այվազովսկու փողոցների խաչմերուկում, Սարյան-Բյուզանդի, Սարյան-Արամի փողոցների խաչմերուկներում, Վազգեն Սարգսյան-Պետրոս Ադամյան փողոցների խաչմերուկում:
«Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները», - նշվում է հաղորդագրության մեջ: -0-
