ՌԴ ԱԳ նախարարը Երևանում հարգել է Հայոց ցեղասպանության զոհերի հիշատակը
20.11.2017,
19:29
Աշխատանքային այցով Հայաստան ժամանած ՌԴ ԱԳ նախարարն այցելեց Ծիծեռնակաբերդի հուշահամալիր, որտեղ հարգանքի տուրք մատուցեց Հայոց ցեղասպանության զոհերին։
ԵՐԵՎԱՆ, 20 նոյեմբերի. /ԱՌԿԱ/. Աշխատանքային այցով Հայաստան ժամանած ՌԴ ԱԳ նախարար Սերգեյ Լավրովն այցելեց Ծիծեռնակաբերդի հուշահամալիր, որտեղ հարգանքի տուրք մատուցեց Հայոց ցեղասպանության զոհերին։
Լավրովին ուղեկցում էին ՀՀ փոխարտգործնախարար Շավարշ Քոչարյանն ու ՀՀ–ում ՌԴ արտակարգ և լիազոր դեսպան Իվան Վոլինկինը։
Անմար կրակին ծաղիկներ դնելուց հետո Լավրովը ջրել է հիշատակի ծառուղում տնկած իր եղևնին։
Ավելի վաղ հաղորդվել է, Լավրովին կընդունի նաև ՀՀ նախագահ Սերժ Սարգսյանը։ Այցի ընթացքում Լավրովն իր հայ գործընկեր Էդվարդ Նալբանդյանի Երևանի ազգային պատկերասրահում կբացի պատմական լուսանկարների և փաստաթղթերի ցուցահանդեսը, որը նվիրված է երկու երկրների միջև դիվանագիտական հարաբերությունների հաստատման 25–ամյակին։–0–
