Վրաստանը բացում է ցամաքային սահմանը Հայաստանի հետ. հայտնի են պայմանները
ԵՐԵՎԱՆ, 25 մայիսի./ԱՌԿԱ/. Վրաստանի վարչապետին առընթեր կորոնավիրուսի դեմ պայքարի միջգերատեսչական համակարգող խորհուրդը որոշել է հունիսի 1–ից բացել ցամաքային սահմանները մոտ հարևանների հետ, որոնք փակվել են 2020թ.–ի մարտից կորոնավիրուսի պատճառով։
Այս մասին երեքշաբթի ճեպազրույցի ժամանակ հայտարարել է միջգերատեսչական համակարգող խորհրդի օպերատիվ շտաբի ղեկավար Գեորգի Գիբրաձեն, հաղորդում է ՏԱՍՍ–ը։
«Համակարգող խորհուրդը որոշել է բացել ցամաքային սահմանները հունիսի 1–ից։ Ցամաքային սահմանները կբացվեն, և դրանց հատումը հնարավոր կդառնա պատվաստման ամբողջական կուրսի ընդունումը հաստատող փաստաթղթի և ՊՇՌ բացասական թեստի առկայության դեպքում», – ասել է Գիբրաձեն։
Հայաստանի, ինչպես նաև Ռուսաստանի, Ադրբեջանի, Բելառուսի, Ղազախստանի և Ուկրաինայի քաղաքացիներին 2021թ.–ի մարտի 1–ից թույլատրվել է ավիատրանսպորտով մուտք գործել Վրաստան կորոնավիրուսի բացասական թեստի տեղեկանքի առկայության դեպքում։–0–
