Երևան-Սևան ավտոճանապարհի երթևեկը 44 օր կգործի որոշ սահմանափակումներով
ԵՐԵՎԱՆ, 25 օգոստոսի. /ԱՌԿԱ/. Երևան-Սևան ավտոճանապարհի երթևեկությունը կգործի որոշակի սահմանափակումներով` հիմնանորոգման աշխատանքներով պայմանավորված։
Ինչպես տեղեկացնում է ՀՀ տրանսպորտի, կապի և տեղեկատվական տեխնոլոգիաների նախարարությունը, Երևան-Սևան-Իջևան միջպետական նշանակության ավտոճանապարհի 36-57-րդ կմ (Երևան-Սևան ուղղությամբ) և 64-57-րդ կմ (Սևան-Երևան ուղղությամբ) հատվածներում հիմնանորոգման աշխատանքներով պայմանավորված` օգոստոսի 28-ից մինչև հոկտեմբերի 10-ը երթևեկությունը կսահմանափակվի բոլոր տեսակի տրանսպորտային միջոցների համար:
Երթևեկությունը կկազմակերպվի տվյալ ճանապարհահատվածի հանդիպակաց` Սևանից Երևան եկող ուղղությամբ:
«Պատճառվող ժամանակավոր անհարմարության համար հայցում ենք վարորդների
ներողամտությունը», – նշվում է հաղորդագրության մեջ։–0–
