Երևանում անցկացվել է #SutNikol ակցիան. բերման ենթարկվածներ և գրաֆիտիներ
ԵՐԵՎԱՆ, 15 ապրիլի. /Նովոստի-Արմենիա/. Երկուշաբթի վաղ առավոտյան Երևանում անցկացվել է #SutNikol ակցիան: Նախաձեռնության մասնակիցները քաղաքի փողոցներում #sutNikol գրությամբ գրաֆիտիներ են արել: Նրանք, մասնավորապես, եղել են Հյուսիսային պողոտայում, Աբովյան և Ամիրյան փողոցներում, ինչպես նաև Հանրապետության Հրապարակում:
Ոստիկանություն են բերման ենթարկվել նախաձեռնության համակարգողներ Կոնստանտին Տեր-Նակալյանը, Նարեկ Սամսոնյանը, ինչպես նաև ակցիայի մյուս մասնակիցները` Արթուր Դանիելյանը, Վրեժ Սարգսյանը, Իշխան Խոսրովյանը, ինչպես նաև ուղիղ եթերն ապահովող օպերատորը:
Ավելի ուշ ՀՀ ոստիկանության մամուլի ծառայության պետ Էդգար Ջանոյանը «Նովոստի-Արմենիա» գործակալությանը հայտնեց, որ բոլոր բերման ենթարկվածները ազատ են արձակվել:
«Ակցիայի 9 մասնակիցներ բերման են ենթարկվել ոստիկանություն «Վարչական իրավախախտումների վերաբերյալ» ՀՀ օրենսգրքի 172.2 հոդվածի հիվան վրա (Հասարակական վայրերն օգտագործելու կանոնները խախտելը): Նրանցից յուրաքանչյուրի նկատմամբ հարուցվել է վարչական գործ, հիմա նրանք ազատ են արձակվել», - ասաց Ջանոյանը:-0-
