Այսօր փակ կլինեն Երևանի կենտրոնի որոշ փողոցներ
18.12.2017,
15:25
Այսօր փակ կլինեն Երևանի կենտրոնական փողոցներից մի քանիսը։
ԵՐԵՎԱՆ, 18 դեկտեմբերի. /ԱՌԿԱ/. Դեկտեմբերի 18-ին ժամը 20:00-ից 21:30-ը ավտոտրանսպորտային երթևեկի համար փակ կլինեն Երևանի որոշ ճանապարհներ:
Մայրաքաղաքի տոնական լույսերի միացման միջոցառման փորձի իրականացման նպատակով դեկտեմբերի 18-ին ժամը 20:00-ից 21:30-ը ավտոտրանսպորտային երթևեկի համար փակ կլինի Տիգրան Մեծի պողոտայից և Նալբանդյան փողոցից դեպի Հանրապետության հրապարակ տանող ճանապարհահատվածները, հայտնում է Երևանի քաղաքապետարանի մամուլի ծառայությունը:
Վերոնշյալ ճանապարհահատվածներով իրականացվող հասարակական տրանսպորտի աշխատանքը կապահովվի շրջանցիկ ճանապարհներով:
«Պատճառվող ժամանակավոր անհարմարությունների համար հայցում ենք ձեր ներողամտությունը», - նշվում է գերատեսչության տարածած հաղորդագրությունում:–0–
