Ձյան տեսքով տեղումներ` հանրապետության որոշ շրջաններում

ԵՐԵՎԱՆ, 17 նոյեմբերի. /ԱՌԿԱ/. Հանրապետության որոշ շրջաններում ձյուն է տեղում։

Ինչպես հաղորդում է «Նովոստի–Արմենիա» գործակալությունը, հղում անելով ՀՀ ՏԿԱԻ նախարարությանը, այս պահի դրությամբ ձյուն է տեղում մասնավորապես Վարդենյաց լեռնանցքում (Վայոց ձորի տարածք), Կոտայքի մարզի Հրազդան, Գեղարքունիքի մարզի Ճամբարակ, Արագածոտնի մարզի Ապարան  քաղաքններում և Արագած գյուղում։

«Նախարարությունը վարորդներին խորհուրդ է տալիս վերոնշյալ ճանապարհահատվածներով երթևեկել միայն խիստ անհրաժեշտության դեպքում` ձմեռային անվադողերով», – նշվում է հաղորդագրության մեջ։

Նոյեմբերի 17-ի ժամը 10.30-ի դրությամբ ՀՀ տարածքում ավտոճանապարհները հիմնականում  անցանելի են:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար` անվաշղթաների կիրառման դեպքում:–0–