Գյուղատնտեսական երկրորդ տոնավաճառը կվերաբացվի Երևանի կենտրոնում
28.07.2017,
16:39
Միջոցառմանը ներկա կգտնվեն ՀՀ գյուղատնտեսության նախարարի տեղակալ Ռոբերտ Մակարյանը և Երևանի փոխքաղաքապետ Դավիթ Օհանյանը։
ԵՐԵՎԱՆ, 28 հուլիսի. /ԱՌԿԱ/. Շաբաթ օրը` հուլիսի 29–ին, Երևանի կենտրոնում կվերաբացվի գյուղատնտեսական երկրորդ տոնավաճառը։
Ինչպես հաղորդում է ՀՀ գյուղատնտեսության նախարարության տեղեկատվության և հասարակայնության հետ կապերի բաժինը, տոնավաճառը կկազմակերպվի Մաշտոցի պողոտային հարող հատվածում ( «Մալիբու» սրճարանի հարևանությամբ):
«Միջոցառմանը ներկա կգտնվեն ՀՀ գյուղատնտեսության նախարարի տեղակալ Ռոբերտ Մակարյանը և Երևանի փոխքաղաքապետ Դավիթ Օհանյանը», – նշվում է հաղորդագրության մեջ։–0–
