Рейтинг@Mail.ru
USD
392.26
EUR
425.45
RUB
4.6405
GEL
141.43
2025 թ. մարտի 20, հինգշաբթի
եղանակը
Երևանում
+15

Մինչև ապրիլի 16-ը ներառյալ կրկեսի խաչմերուկում գրանցված խախտումները չեն արձանագրվի. ՃՈ

11.04.2017, 19:23
Ճանապարհային ոստիկանությունը զգուշացնում է, որ մինչև ապրիլի 16-ը ներառյալ Երևանի Ագաթանգեղոսի փողոցում և Ագաթանգեղոս-Արշակունյաց-Գր. Լուսավորիչ խաչմերուկում գրանցված խախտումները տեսանկարահանող սարքերով չեն արձանագրվի:
Մինչև ապրիլի 16-ը ներառյալ կրկեսի խաչմերուկում գրանցված խախտումները չեն արձանագրվի. ՃՈ

ԵՐԵՎԱՆ, 11 ապրիլի. /ԱՌԿԱ/. Ճանապարհային ոստիկանությունը զգուշացնում է, որ մինչև ապրիլի 16-ը ներառյալ Երևանի Ագաթանգեղոսի փողոցում և Ագաթանգեղոս-Արշակունյաց-Գր. Լուսավորիչ խաչմերուկում գրանցված խախտումները տեսանկարահանող սարքերով չեն արձանագրվի:

Ճանապարհային ոստիկանությունը նաև տեղեկացնում է, որ տրանսպորտային միջոցների կուտակումներից և վթարային իրավիճակներից խուսափելու նպատակով 2017 թ. ապրիլի 8-ից Երևանի Ագաթանգեղոսի փողոցում և Ագաթանգեղոս-Արշակունյաց-Գր. Լուսավորիչ խաչմերուկում փորձնական կարգով կկատարվեն երթևեկության կազմակերպման փոփոխություններ, հաղորդում է ՀՀ ոստիկանության մամուլի ծառայությունը։

Փոփոխությունների արդյունքում՝ կփակվի Ագաթանգեղոսի փողոցի՝ Տիգրան Մեծի պողոտայից Արշակունյաց պողոտայի ուղղությամբ երթևեկող տրանսպորտային միջոցների համար նախատեսված՝ 120 մետր չհասած Ագաթանգեղոս-Արշակունյաց-Գր. Լուսավորիչ խաչմերուկ, հետադարձի տեղը:

Նշված ուղղությամբ երթևեկող տրանսպորտային միջոցները հետադարձ կարող են կատարել Ագաթանգեղոս-Արշակունյաց-Գր. Լուսավորիչ խաչմերուկում:

Նշված փոփոխություններով պայամանվորված փոփոխվել է նաև տվյալ խաչմերուկի լուսացուցային օբյեկտի աշխատանքային ռեժիմը այնպես, որ Արշակունյաց պողոտայից Ագաթանգեղոս փողոցի ուղղությամբ երթևեկող տրանսպորտային միջոցների երթևեկությունը կարգավորող լուսացույցի աջ սեկցիան տվյալ ուղղությամբ երթևեկությունը կթույլատրի որոշակի ընդհատումներով՝ նախկին անընդհատի փոխարեն:

«Տեղեկացնում ենք, որ մինչև 2017 թ. ապրիլի 16-ը ներառյալ՝ նշված փոփոխություններով պայմանավորված իրավախախտումները տեսանկարահանող սարքերով չեն արձանագրվի», – նշվում է ոստիկանության տարածած հաղորդագրության մեջ։–0–