Նիկոլ Փաշինյանը խնդիր է համարում Ամանորյա երկար հանգիստը
ԵՐԵՎԱՆ, 21 մարտի. /ԱՌԿԱ/. ՀՀ վարչապետ Նիկոլ Փաշինյանը հինգշաբթի նիստին խոսել է երկրում «երկար» Ամանորյա տոների նպատակահարմարության մասին:
«Տոների և հիշատակի օրերի մասին» օրենքում փոփոխություններ մցնելու քննարկումների ժամանակ, որով առաջարկվում է ներառել նոր տոն` Քաղաքացու օր, առողջապահության նախարար Արսեն Թորոսյանը հարց է բարձրացրել «երկար» Ամանորյա տոների մասին:
«Արդյո ՞ ւք կառավարությունը անհրաժեշտ չի համարում քննարկել նաև ոչ աշխատանքային օրերի քանակի կրճատումը, մասնավորապես Նոր տարվա տոների հետ կապված: Կարծում եմ, դա անհրաժեշտ է», - ասաց Թորոսյանը:
Ի պատասխան Փաշինյանը նշեց այդ հարցի շուրջ քննարկումներ անցկացնելու, տարբեր կողմերի կարծիքները պարզելու և տարբեր հաշվարկներ կատարելու անհրաժեշտության մասին:
«Անձամբ ես կարծում եմ, որ գոյություն ունի խնդիր, սակայն անհրաժեշտ է անցկացնել լայն հանրային քննարկումներ և հասնել կոնսենսուսային կամ դրան մոտ լուծմանը: Այդ հարցը անհրաժեշտ է քննարկել ոչ միայն կառավարության ձևաչափով, այլ ավելի լայն համաթեքստում, քանի որ համարում եմ, որ այդ հարցը հնարավոր չէ լուծել միայն կառավարության շրջանակում», - ասաց Փաշինյանը:
Ամանորյա տոնական արձակուրդի օրերի կրճատման հարցը բազմիցս քննարկվել է նախկին վարչապետների մակարդակով: Հայաստանի նախկին վարչապետ Կարեն Կարապետյանը անթույլատրելի էր համարում այդքան երկար Ամանորյա արձակուրդը: Մասնավորապես, ըստ նրա առաջարկի, Ամանորյա տոնական և հանգստյան օրերին բանկերը և մաքսային կառույցները աշխատում էին արտակարգ ռեժիմով:-0-
