Օմբուդսմենը հորդորում է պետական միջոցներով չգնել էժան դեղորայք
08.10.2015,
22:04
Հայաստանի մարդու իրավունքների պաշտպան Կարեն Անդրեասյանը ՀՀ ԱԺ–ում ելույթի ժամանակ հորդորել է չգնել էժան դեղորայք պետպատվերի շրջանակում։
ԵՐԵՎԱՆ, 8 հոկտեմբերի. /ԱՌԿԱ/. Հայաստանի մարդու իրավունքների պաշտպան Կարեն Անդրեասյանը ՀՀ ԱԺ–ում ելույթի ժամանակ հորդորել է չգնել էժան դեղորայք պետպատվերի շրջանակում։
«Պետպատվերի շրջանակում գնվող դեղորայքը հաճախ ոչ բավարար որակի է լինում։ Պատճառն այն է, որ հայտարարված գնումների մրցույթներում հաղթում են այն ընկերությունները, որոնք առաջարկում են դեղորայք ամենաէժան գներով։ Հարկավոր է վերանայել այս մոտեցումը», – ասաց Անդրեասյանը։
Նրա խոսքով` անընդունելի է առաջնորդվել ապրանքի էժանությամբ, երբ խոսքը մարդկանց առողջության մասին է։–0–
