ՀՊՃՀ–ի մամուլի ծառայությունը չի հաստատում համալսարանի ռեկտոր Արա Ավետիսյանի հրաժարականի մասին տեղեկատվությունը
17.03.2014,
13:58
Հայաստանի պետական ճարտարագիտական համալսարանի ռեկտոր Արա Ավետիսյանի հրաժարականի մասին տեղեկատվությունը խոսակցություն է և պաշտոնապես չի հաստատվել, «Նովոստի–Արմենիա» գործակալությանը տեղեկացրել է ՀՊՃՀ–ի մամուլի քարտուղար Վերոնիկա Խորասանյանը։
ԵՐԵՎԱՆ, 17 մարտի. /ԱՌԿԱ/. Հայաստանի պետական ճարտարագիտական համալսարանի ռեկտոր Արա Ավետիսյանի հրաժարականի մասին տեղեկատվությունը խոսակցություն է և պաշտոնապես չի հաստատվել, «Նովոստի–Արմենիա» գործակալությանը տեղեկացրել է ՀՊՃՀ–ի մամուլի քարտուղար Վերոնիկա Խորասանյանը։
Երկուշաբթի հայկական ԶԼՄ–ներում տեղեկատվություն էր տարածվել ՀՊՃՀ–ի ռեկտորի պաշտոնից Ավետիսյանի ազատման մասին։
«Ռեկտորն այսօր աշխատանքի է եկել, նման խոսակցությունները հաստատող որևէ պաշտոնական փաստաթուղթ ես չեմ տեսել», – ասել է Խորասանյանը։
Ֆիզիկամաթեմատիկական գիտությունների դոկտոր, պրոֆեսոր, ՀՀ ԳԱԱ թղթակից–անդամ Արա Ավետիսյանը ՀՊՃՀ–ի ռեկտոր է ընտրվել 2011 թ.–ին։
Մինչ այդ Ավետիսյանը զբաղեցնում էր ՀՀ ԿԳ փոխնախարարի պաշտոնը։–0–
