Քրեական գործ է հարուցվել Արցախում 18–ամյա զինծառայողի մահվան փաստով
06.11.2018,
16:32
Քրեական գործ է հարուցվել Արցախում 18–ամյա զինծառայողի մահվան փաստով։
ԵՐԵՎԱՆ, 6 նոյեմբերի. /ԱՌԿԱ/. Քրեական գործ է հարուցվել Արցախում 18–ամյա զինծառայողի մահվան փաստով»
Ինչպես հաղորդում է ՀՀ Քննչական կոմիտեի մամուլի ծառայությունը. Այսօր` նոյեմբերի 6–ին, ժամը 08:20-ից 8:30-ի սահմաններում N զորամասի ժամկետային զինծառայող, շարքային Արիստակես Էդուարդի Ազատյանը զորամասի հսկիչ անցագրային կետից շուրջ 70 մ հեռավորությամբ գտնվող երկաթյա կամրջի մոտ, իրեն ամրակցված ԱԿ-74 տեսակի ինքնաձիգով, ծնոտի ստորին շրջանում ինքն իրեն պատճառել է մահացու հրազենային վիրավորում:
«Դեպքի առթիվ առաջին կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով (ինքնասպանության հասցնելը) հարուցվել է քրեական գործ, կատարվում է նախաքննություն», – նշվում է հաղորդագրության մեջ։–0–
