«Զվարթնոց» օդանավակայանը կես ժամով հոսանքազրկվել էր. իրավիճակը վերահսկվում է
10.07.2019,
17:02
«Զվարթնոց» միջագային օդանավակայանն այսօր մոտ կես ժամով «Հայաստանի էլեկտրական ցանցեր» ՓԲԸ-ի կողմից հոսանքազրկվել էր:
ԵՐԵՎԱՆ, 10 հուլիսի. /ԱՌԿԱ/. «Զվարթնոց» միջագային օդանավակայանն այսօր մոտ կես ժամով «Հայաստանի էլեկտրական ցանցեր» ՓԲԸ-ի կողմից հոսանքազրկվել էր:
Չորեքշաբթի Հայաստանի էներգահամակարգում տեղի ունեցած մասշտաբային վթարը խափանումներ է առաջացրել մայրաքաղաքի և մարզերի էլեկտրամատակարարման, ջրամատակարարման համակարգերում, դադարեցվել է Երևանի մետրոյի աշխատանքը:
«Սակայն, ի շնորհիվ ավտոնոմ էլեկտրոսնուցման աղբյուրների, օդանավակայանի բնականոն աշխատանքները չեն տուժել, չվերթերն իրականացվել են ժամանակին», - նշվում է օդանավակայանի Facebook-յան պաշտոնական էջում:
Նշվում է, որ «Զվարթնոց» միջագային օդանավակայանը տեխնիկապես պաշտպանված է նման դեպքերից:-0-
