Աղքատության մակարդակի կրճատումը չի մտնում Հայաստանի աշխատանքի և սոցիալական հարցերի նախարարության անմիջական պարտավորությունների մեջ. Թանդիլյան
ԵՐԵՎԱՆ, 5 հունիսի. /ԱՌԿԱ/. Աղքատության մակարդակի կրճատումը չի մտնում Հայաստանի աշխատանքի և սոցիալական հարցերի նախարարության անմիջական պարտավորությունների մեջ, ասել է գերատեսչության ղեկավար Մանե Թանդիլյանը։
«Մենք աղքատության հետևանքները մեղմելու նախարարություն ենք։ Աղքատության վերացումը պետք է դառնա տնտեսական աճի արդյունք, խնդրի լուծումը տնտեսական որոշումներ է պահանջում»,– երեքշաբթի ասել է նա 2017 թվականի բյուջեի կատարողականի լսումների ժամանակ։
ԱՎԾ–ի տվյալներով, Հայաստանում 2016 թվականին աղքատների թիվը կազմել է մոտ 880 հազար մարդ, շատ աղքատներինը` 295 հազար մարդ, նրանցից ծայրահեղ աղքատներինը` 54 հազար մարդ։ Արդյունքում, աղքատ բնակչության ընդհանուր թվում 33.5 տոկոսը շատ աղքատ են, 6.1 տոկոսը` ծայրահեղ աղքատ։ Քաղաքներում և գյուղերում աղքատության մակարդակն այդքան էլ չի տարբերվում։ Քաղաքներում այս ցուցանիշը 2016 թվականին կազմել է 28.8 տոկոս, գյուղերում` 30.4 տոկոս։ -0-
