Արցախա-ադրբեջանական շփման գծի ողջ երկայնքով շարունակվում է պահպանվել հրադադարի ռեժիմը. ՊԲ-ն հերքում է Ուրյան բարձունքի ուղղությամբ թշնամու գրոհի մասին լուրերը
17.11.2020,
14:20
Արցախա-ադրբեջանական շփման գծի ողջ երկայնքով շարունակվում է պահպանվել հրադադարի ռեժիմը. ՊԲ-ն հերքում է Ուրյան բարձունքի ուղղությամբ թշնամու գրոհի մասին լուրերը
ԵՐԵՎԱՆ, 17 նոյեմբերի./ԱՌԿԱ/. Սոցիալական ցանցերում տարածված տեղեկատվություններն այն մասին, թե իբր ադրբեջանական ուժերը գրոհ են ձեռնարկել Ուրյան բարձունքի ուղղությամբ, իսկ Ղուշչյուլլարի հատվածում ՊԲ 200 զինծառայող հայտնվել է շրջափակման մեջ, կատարյալ ապատեղեկատվություն է:
Այս մասին հաղորդում է ՊԲ-ն:
«Ինչպես այսօր ավելի վաղ հաղորդել էինք, հրադադարի պահպանման ռեժիմը շարունակում է պահպանվել: Կոչ ենք անում հետևել բացառապես պաշտոնական լրահոսին»,- նշվում է հաղորդագրության մեջ:
«Ինչպես այսօր ավելի վաղ հաղորդել էինք, հրադադարի պահպանման ռեժիմը շարունակում է պահպանվել: Կոչ ենք անում հետևել բացառապես պաշտոնական լրահոսին»,- նշվում է հաղորդագրության մեջ:
ՊԲ-ն ավելի վաղ հայտնել էր, որ անցել է իր բնականոն գործունեությանը՝ առաջադրված խնդիրների կատարման համար ներգրավվելով անհրաժեշտ ուժեր ու միջոցներ: Մշտական տեղակայման վայրերում իրականացվում են պլանային միջոցառումներ: Մարտական հերթափոխի փոխարինման ու զինծառայողների սոցիալ-կենցաղային ապահովման գործընթացը մտնում է բնականոն հունի մեջ: -0-
