«ԱՌԿԱ» գործակալությանը տնօրենը պարգևատրվել է ՀՀ վարչապետի անվանական ժամացույցով

ԵՐԵՎԱՆ, 14 հունվարի. /ԱՌԿԱ/. «ԱՌԿԱ» լրատվական գործակալության տնօրեն Կոնստանտին Պետրոսովը պարգևատրվել է ՀՀ վարչապետ Տիգրան Սարգսյանի անվանական ժամացույցով` կառավարության գործունեության նկատմամբ ունեցած մշտական ուշադրության համար։

Հուշանվերը հանձնվել է շաբաթ օրը կառավարության ղեկավարի կողմից զանգվածային լրատվամիջոցների ներկայացուցիչների համար կազմակերպված ընդունելության ժամանակ։
 
Նվերներով, վարչապետի հուշամեդալով և շնորհակալագիրներով պարգևատրվեցին հայկական ԶԼՄ–ների մի շարք լրագրողներ և ղեկավարներ։

«ԱՌԿԱ» (www.arka.am) լրատվական գործակալությունը գործում է 1996թ.–ի մայիսի 1–ից։

Մասնագիտանում է ֆինանսատնտեսական լրատվության բնագավառում։ Այսօր «ԱՌԿԱ» մեդիահոլդինգում ընդգրկված են նաև teleсom.arka.am հեռահաղորդակցությունների և բարձր տեխնոլոգիաների պորտալը և armbanks.am ֆինանսաբանկային պորտալը։ –0–