Հայ բժիշկների համաշխարհային համագումարը 2015թ.–ին կանցկացվի Երևանում. նախարար
10.07.2013,
13:46
Հայ բժիշկների համաշխարհային 12–րդ համագումարը կանցկացվի 2015թ.–ին Հայաստանում, Լոս Անջելեսում կայացած 11–րդ համագումարի փակման ելույթի ժամանակ հայտնել է ՀՀ առողջապահության նախարար Դերենիկ Դումանյանը։
ԵՐԵՎԱՆ, 10 հուլիսի. /ԱՌԿԱ/. Հայ բժիշկների համաշխարհային 12–րդ համագումարը կանցկացվի 2015թ.–ին Հայաստանում, Լոս Անջելեսում կայացած 11–րդ համագումարի փակման ելույթի ժամանակ հայտնել է ՀՀ առողջապահության նախարար Դերենիկ Դումանյանը։
Ինչպես տեղեկացնում է ՀՀ առողջապահության նախարարությունը, Դումանյանը հրավիրել է բոլոր նրանց, ովքեր հետաքրքրված են մայր Հայրենիքում և Լեռնային Ղարաբաղում առողջապահական համակարգի զարգացման խնդրով։
Դումանյանը բարձր է գնահատել համագումարի կազմակերպիչների կատարած աշխատանքը, որի արդյունքում հնարավոր դարձավ քննարկել և լսել աշխարհում բժշկական նորագույն մոտեցումների ու գիտական նվաճումների վերաբերյալ ճանաչված հայ բժիշկների ելույթները։
Նախարարը կարևորել է, որ համագումարի ընթացքում քննարկվել են նաև Հայաստանի Հանրապետության առողջապահական համակարգի և բժշկական կրթության արդի խնդիրները և զարգացման հեռանկարները։
Փակման խոսքով հանդես են եկել ՀՀ առողջապահության նախարար, պրոֆեսոր Դերենիկ Դումանյանը, համագումարի նախագահ Վիգեն Սեֆիլյանը, Հայ բժիշկների համաշխարհային կոմիտեի նախագահ Ջերրի Մանուկյանը։
Հայ բժիշկների համաշխարհային 11–րդ համագումարը մեկնարկել է հուլիսի 3–ին Լոս Անջելեսում։ Համագումարի աշխատանքներին մասնակցել են մոտ 400 բժիշկներ և բուժքույրեր աշխարհի տարբեր երկրներից։ –0–
Ինչպես տեղեկացնում է ՀՀ առողջապահության նախարարությունը, Դումանյանը հրավիրել է բոլոր նրանց, ովքեր հետաքրքրված են մայր Հայրենիքում և Լեռնային Ղարաբաղում առողջապահական համակարգի զարգացման խնդրով։
Դումանյանը բարձր է գնահատել համագումարի կազմակերպիչների կատարած աշխատանքը, որի արդյունքում հնարավոր դարձավ քննարկել և լսել աշխարհում բժշկական նորագույն մոտեցումների ու գիտական նվաճումների վերաբերյալ ճանաչված հայ բժիշկների ելույթները։
Նախարարը կարևորել է, որ համագումարի ընթացքում քննարկվել են նաև Հայաստանի Հանրապետության առողջապահական համակարգի և բժշկական կրթության արդի խնդիրները և զարգացման հեռանկարները։
Փակման խոսքով հանդես են եկել ՀՀ առողջապահության նախարար, պրոֆեսոր Դերենիկ Դումանյանը, համագումարի նախագահ Վիգեն Սեֆիլյանը, Հայ բժիշկների համաշխարհային կոմիտեի նախագահ Ջերրի Մանուկյանը։
Հայ բժիշկների համաշխարհային 11–րդ համագումարը մեկնարկել է հուլիսի 3–ին Լոս Անջելեսում։ Համագումարի աշխատանքներին մասնակցել են մոտ 400 բժիշկներ և բուժքույրեր աշխարհի տարբեր երկրներից։ –0–
