Հայ–վրացական սահմանի «Բավրա» անցակետը կրկին բաց է, ձնամաքրման աշխատանքները շարունակվում են
ԵՐԵՎԱՆ, 19 հունվարի. /ԱՌԿԱ – Նովոստի–Արմենիա/. Հայ–վրացական սահմանի «Բավրա» անցակետը, որն արգելափակվել էր Նինոծմինդա–Ժդանովկա ավտոճանապարհին ձնաբքի պատճառով, կրկին բաց է, հայտնում է Հայաստանի տարածքային կառավարման և արտակարգ իրավիճակների ճգնաժամային կառավարման ազգային կենտրոնը։
Հայաստանի ՏԿԱԻՆ ներկայացուցիչները կապ են հաստատել հայ–վրացական չեզոք գոտում գտնվող քաղաքացիների հետ։
«Նրանց տեղեկացրել են ստեղծված իրավիճակի մասին` կոչ անելով վերադառնալ ճանապարհներին հնարավոր խցանումներից»,– նշել են գերատեսչությունից։
Սակայն, Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար:
Վրաստանի տարածքում շարունակվում են ճանապարհների ձնամաքրման աշխատանքները։ -0-
