Հրապարակվել է քաղաքացիների որոշ խմբերի համար տրանսպորտի զեղչերի համակարգը (ՍԽԵՄԱ)
ԵՐԵՎԱՆ, 15 նոյեմբերի․/ԱՌԿԱ/․ «Քաղաքացիական պայմանագիր» և «Հանրապետություն» խմբակցությունների համատեղ նիստում որոշվել է նոյեմբերի 19-ի ավագանու հերթական նիստում ներկայացնել արտոնությունների փաթեթ ՝ հանրային տրանսպորտից օգտվողների համար, հայտնում է Երևանի քաղաքապետի մամուլի քարտուղար Հայկ Կոստանյանը։
Կոստանյանը հիշեցրել է, որ դեռևս գարնանը հայտարարվել էր, որ արտոնությունների փաթեթը ներկայացվելու է մինչև միասնական տոմսային համակարգի ամբողջական գործարկումը։
Նշենք, որ սոցցանցերի հայ օգտատերերի շրջանում տարածվել է աղյուսակ, որտեղ ներկայացված են 2025թ․–ի հունվարի 1–ից Երևանի հասարակական տրանսպորտի սակագները։ Ըստ աղյուսակի, 1 օրվա տոմսի արժեքն է 900 դրամ , 7 օրը՝ 5000 դրամ, ամսական տոմսը՝ 9000 դրամ, 90 օրվա տոմսը՝ 24000 դրամ, 365 օրը՝ 90000 դրամ։
