Շոկոլադի և լավաշի հայաստանյան շուկայում խախտումներ են բացահայտվել
08.02.2019,
18:48
Շոկոլադի և լավաշի հայաստանյան շուկայում խախտումներ են բացահայտվել։
ԵՐԵՎԱՆ, 8 փետրվարի. /ԱՌԿԱ/. Քաղաքացների ահազանգերի հիման վրա՝ ՀՀ ԿԵ սննդամթերքի անվտանգության տեսչական մարմնի աշխատակիցներն անցկացրել են վերահսկողական միջոցառումներ և իրացման շուկայում հայտնաբերել «Ռաֆֆայելլո», «Քինդեր Սյուրպրիզ» շոկոլադներ, որոնց վրա բացակայել է հայերեն մակնշումը, հաղորդում են գերատեսչության մամուլի ծառայությունից։
Հայտնաբերվել է նաև փաթեթավորված լավաշ առանց որևէ մակնշման (արտադրող, բաղադրություն, թխելու օր, պահման ժամկետ և այլն):
Թե շոկոլադների, թե լավաշի իրացումը կասեցվել է:
«ՍԱՏՄ մասնագետները շարունակում են աշխատանքները նշված շոկոլադները ներմուծողին և լավաշն արտադրողին հայտնաբերելու ուղղությամբ», – նշվում է հաղորդագրության մեջ։–0–
