Սիրիահայերի համար աշխատանքի տոնավաճառ կանցկացվի Երևանում կիրակի

ԵՐԵՎԱՆ, 13 դեկտեմբերի. /ԱՌԿԱ/.  Աշխատանք գտնելու հարցում սիրիահայերին աջակցելու նպատակով  Երևան քաղաքում կիրակի օրը կազմակերպվում է աշխատանքի տոնավաճառ ՀՀ աշխատանքի և սոցիալական հարցերի նախարարության «Զբաղվածության պետական ծառայություն» գործակալության նախաձեռնությամբ, հայտնում են կազմակերպիչները:

Միջոցառումը կանցկացվի Մերգելյանի անվան ինստիտուտում՝ Հ.Հակոբյան, 3 հասցեով:

Նախնական տվյալներով` տոնավաճառին կմասնակցի Երևանի և հարակից մարզերի շուրջ 50 գործատու: Գործատուների կողմից կառաջարկվեն տարբեր մասնագիտություններով աշխատատեղեր:

Սիրիայի հայկական համայնքը համարվում է սփյուռքի խոշորագույն կառույցներից մեկը: Հայերը, հիմնականում, ապրում են Հալեպում, Դամասկոսում, Լաթաքիայում և այլ քաղաքներում:  Երկրում տիրող լարված ռազմաքաղաքական իրավիճակի հետևանքով սիրիահայերի արտագաղթ է սկսվել դեպի պատմական հայրենիք: Վերջին տվյալներով, Հայաստանում են գտնվում 5 հազար սիրիահայեր:

Երկրում տիրող լարված ռազմաքաղաքական իրավիճակի հետևանքով սիրիահայերի արտագաղթ է սկսվել դեպի պատմական հայրենիք:-0-