Սուրբ Հարության տոնի կապակցությամբ հանգստյան օրերը կարող են երկարացվել
ԵՐԵՎԱՆ, 5 մարտի. /ԱՌԿԱ/. Հայաստանի կառավարությունն առաջիկա երեքշաբթի որոշում կընդունի աշխատանքային օրերից մեկի տեղափոխման մասին։
Կառավարության որոշման նախագծի համաձայն, առաջարկվում է ապրիլի 2–ի աշխատանքային երկուշաբթիի փոխարեն աշխատանքային հայտարարել շաբաո օրը` ապրիլի 7–ը։ Դա կապված է Սուրբ Հարության տոնի հետ, որը կնշվի ապրիլի և դրան հետևող Մեռելոցի հետ։
Վերջին տարիներին կառավարությունն ավանդաբար ոչ աշխատանքային է հայտարարում Հինգ տաղավար տոներին հաջորդող Մեռելոցները։
Մեռելոց հիշատակի օրը հաջորդում է Հայ Առաքելական Եկեղեցու հինգ տաղավար յուրաքանչյուրին՝ Սուրբ Ծնունդ և Աստվածահայտնություն, Սուրբ Հարություն, Պայծառակերպություն (Վարդավառ), Աստվածածնի վերափոխման տոն, Խաչվերաց տոն։
Նախատեսվում է, որ Հայ առաքելական եկեղեցու հինգ տաղավար տոներին հաջորդող յուրաքանչյուր օրը ոչ աշխատանքային է լինելու։
Հաշվի առնելով, որ այս տոները շարժական են, կառավարությունը տարին հինգ անգամ առանձին որոշումներ կընդունի։ -0-
