Wizz Air–ը չվերթեր կիրականացնի Միլան–Երևան Միլան երթուղով

ԵՐԵՎԱՆ, 15 սեպտեմբերի./ԱՌԿԱ/. Wizz Air ավիաընկերությունը թռիչքներ կիրականացնի Միլան-Երևան-Միլան երթուղով։

Այս մասին հաղորդում է «Արմենիա» միջազգային օդանավակայաններ» ՓԲԸ–ն։

Wizz Air ավիաընկերությունը 2023 թ. հունվարի 10-ից մեկնարկելու է Միլան-Երևան-Միլան երթուղով չվերթերը:

Չվերթերը կիրականացվեն շաբաթական երկու չվերթ հաճախականությամբ՝ յուրաքանչյուր երեքշաբթի և շաբաթ օրերին:

«Ավիատոմսերի առկայության, վերջիններիս ձեռքբերման և այլ մանրամասների համար խնդրում ենք այցելել ավիաընկերության կայք՝ wizzair.com կամ կապ հաստատել տեղական տուրիստական գործակալությունների հետ», – նշվում է հաղորդագրության մեջ։–0–